സംസ്ഥാന പട്ടികജാതി പട്ടികഗോത്ര വര്‍ഗ്ഗ കമ്മീഷൻ അദാലത്ത് ഡിസംബർ 20 ന്
കേരള സംസ്ഥാന പട്ടികജാതി പട്ടികഗോത്ര വര്‍ഗ്ഗ കമ്മീഷൻ നിലവിലുള്ള പരാതികളില്‍ തീര്‍പ്പ്‌ കല്‍പ്പിക്കുന്നതിനുള്ള പരാതി പരിഹാര അദാലത്ത് ഡിസംബർ 20 വെള്ളിയാഴ്ച നടത്തും. രാവിലെ പത്തര മുതൽ കുമിളി പഞ്ചായത്ത് പ്രിയദര്‍ശിനി ഹാളിലാണ് അദാലത്ത്.
കമ്മീഷൻ ചെയർപേഴ്സൺ ശേഖരന്‍ മിനിയോടൻ, അംഗങ്ങളായ അഡ്വ. സേതു നാരായണന്‍, ടി.കെ. വാസു എന്നിവർ പങ്കെടുക്കും.പട്ടികജാതി പട്ടികഗോത്രവര്‍ഗ്ഗക്കാരുടെ വിവിധ വിഷയങ്ങളില്‍ കമ്മീഷൻ മുമ്പാകെ സമര്‍പ്പിച്ചിട്ടുള്ളതും വിചാരണയിൽ ഇരിക്കുന്നതുമായ കേസുകളിൽ, പരാതിക്കാരെയും ബന്ധപ്പെട്ട ഉദ്യോഗസ്ഥരെയും നേരില്‍കേട്ട് പരാതികൾ തീര്‍പ്പാക്കും.പുതിയ പരാതികളും സ്വീകരിക്കും. ഈ അദാലത്തില്‍ പോലീസ് വകുപ്പ്, റവന്യു വകുപ്പ്, വനം വകുപ്പ്, വിദ്യാഭ്യാസ വകുപ്പ്, പഞ്ചായത്ത് വകുപ്പ്,ആരോഗ്യ വകുപ്പ്, പട്ടികജാതി/പട്ടികവര്‍ഗ്ഗ വികസന വകുപ്പ് തുടങ്ങി വിവിധ വകുപ്പുകളിലെ ഉദ്യോഗസ്ഥർ സംബന്ധിക്കും.
- Log in to post comments