ഡോക്ടര്‍മാര്‍ക്ക് സര്‍ക്കാര്‍ നല്‍കുന്ന അവാര്‍ഡിന് അപേക്ഷ ക്ഷണിച്ചു

ഡോക്ടര്‍മാര്‍ക്ക് സംസ്ഥാന സക്കാര്‍ നല്‍കുന്ന 2017-ലെ അവാര്‍ഡുകള്‍ക്ക് അപേക്ഷ ക്ഷണിച്ചു.  ആരോഗ്യ വകുപ്പ്, ആരോഗ്യ വിദ്യാഭ്യാസ വകുപ്പ്, ഇന്‍ഷ്വറന്‍സ് മെഡിക്കല്‍ സര്‍വീസ്, സഹകരണ സ്വതന്ത്ര സ്ഥാപനങ്ങള്‍, സ്വകാര്യമേഖല എന്നിവിടങ്ങളില്‍ ജോലി ചെയ്യുന്ന ഡോക്ടര്‍മാര്‍ക്ക് വെവ്വേറെ അവാര്‍ഡുകളും സംസ്ഥാനത്തെ പൊതുമേഖലയിലെ മികച്ച ഡോക്ടര്‍മാര്‍ക്ക് ഓരോരുത്തര്‍ക്കും 15,000 രൂപയും മെറിറ്റ് സര്‍ട്ടിഫിക്കറ്റും വിതരണം ചെയ്യും.  

ആരോഗ്യ വകുപ്പ് സെക്രട്ടറി ചെയര്‍മാനും ആരോഗ്യ വകുപ്പ് ഡയറക്ടര്‍ കണ്‍വീനറുമായുള്ള വിദഗ്ദ്ധ കമ്മിറ്റിയായിരിക്കും അവാര്‍ഡുകള്‍ നിശ്ചയിക്കുന്നത്.  വ്യക്തികള്‍, അസോസിയേഷന്‍, സന്നദ്ധ സംഘടനകള്‍, വകുപ്പുകള്‍ എന്നിവയ്ക്ക് മികച്ച ഡോക്ടര്‍മാരുടെ പേരുവിവരങ്ങള്‍ നിര്‍ദ്ദേശിക്കാം.  മെഡിക്കല്‍ വിദ്യാഭ്യാസ വകുപ്പ്, ഇ.എസ്.ഐ. എന്നിവിടങ്ങളില്‍ നിന്നുള്ള അപേക്ഷകള്‍ അതത് വകുപ്പ് അദ്ധ്യക്ഷന്‍മാര്‍ക്കും മറ്റുള്ള അപേക്ഷകള്‍ ജില്ലാ മെഡിക്കല്‍ ഓഫീസര്‍മാര്‍ക്കും സമര്‍പ്പിക്കണം.  അതത് സ്‌പെഷ്യാലിറ്റികളില്‍ കുറഞ്ഞത് 10 വര്‍ഷത്തെ സേവനം പൂര്‍ത്തിയാക്കിയവര്‍ മാത്രമേ അപേക്ഷിക്കാന്‍ പാടുള്ളു.  അപേക്ഷയുടേയും മറ്റ് അനുബന്ധ രേഖകളുടേയും അഞ്ചു കോപ്പികള്‍ വീതം സമര്‍പ്പിക്കണം.  തെറ്റായ വിവരങ്ങള്‍ നല്‍കിയ അപേക്ഷകള്‍  നിരസിക്കും.  നിബന്ധനകളും മറ്റു വിവരങ്ങളും എല്ലാ ജില്ലാ മെഡിക്കല്‍ ഓഫീസുകളിലും ഇ.എസ്.ഐ. മെഡിക്കല്‍ വിദ്യാഭ്യാസ ഡയറക്ടറേറ്റിലും ആരോഗ്യ കേരളം, ആരോഗ്യ വകുപ്പ് ഡയറക്ടറേറ്റ് വെബ്‌സൈറ്റുകളിലും ലഭിക്കും.  അപേക്ഷ സ്വീകരിക്കുന്ന അവസാന തീയതി ജൂണ്‍ 15.     

പി.എന്‍.എക്‌സ്.2132/18