ലാപ്‌ടോപ്പുകള്‍ വിതരണം ചെയ്തു

പുത്തൂര്‍ ഗ്രാമപഞ്ചായത്തിലെ പട്ടികജാതി, പട്ടികവര്‍ഗ്ഗ വിദ്യാര്‍ത്ഥികള്‍ക്ക് ലാപ്‌ടോപ്പ് വിതരണം ചെയ്തു. റവന്യു ഭവന നിര്‍മ്മാണ വകുപ്പ് മന്ത്രി കെ. രാജന്‍ ഉദ്ഘാടനം ചെയ്തു. പഞ്ചായത്ത് വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍മാന്‍ പി.എസ് സജിത്ത് അധ്യക്ഷതവഹിച്ചു.

പഞ്ചായത്തിന്റെ 2024 - 25 വര്‍ഷത്തെ വാര്‍ഷിക പദ്ധതിയില്‍ ഉള്‍പ്പെടുത്തി 8 ലക്ഷം രൂപ വകയിരുത്തി 20 പട്ടികജാതി വിദ്യാര്‍ത്ഥികള്‍ക്ക് 40,000 രൂപ വിലവരുന്ന 20 ലാപ്‌ടോപ്പുകളും 1.20 ലക്ഷം രൂപ വകയിരുത്തി 3 പട്ടികവര്‍ഗ്ഗ വിദ്യാര്‍ത്ഥികള്‍ക്ക് നാല്‍പ്പതിനായിരം രൂപ വിലവരുന്ന മൂന്ന് ലാപ്‌ടോപ്പുകളുമാണ് വിതരണം ചെയ്തത്. വിവിധ വാര്‍ഡ് മെമ്പര്‍മാര്‍, പഞ്ചായത്ത് സെക്രട്ടറി, അസിസ്റ്റന്റ് സെക്രട്ടറി തുടങ്ങിയവര്‍ പങ്കെടുത്തു.