ദേശീയ ഗ്ലോക്കോമ വാരാചരണം;  ജില്ലാതല ഉദ്ഘാടനവും നേത്ര പരിശോധനാ ക്യാമ്പും

 ദേശീയ ഗ്ലോക്കോമ വാരാചരണത്തിന്റെ ജില്ലാതല ഉദ്ഘാടനം ജില്ലാപഞ്ചായത്ത് പ്രസിഡന്റ്  ഹേമലത പ്രേംസാഗർ നിർവഹിച്ചു. പൈക സാമൂഹികാരോഗ്യകേന്ദ്രത്തിൽ നടന്ന ചടങ്ങിൽ  പാമ്പാടി ബ്ലോക്ക് പഞ്ചായത്ത് പ്രസിഡന്റ്  ബെറ്റി റോയി മണിയങ്ങാട്ട് അധ്യക്ഷത വഹിച്ചു. പ്രദർശന ഉദ്ഘാടനം എലിക്കുളം ഗ്രാമപഞ്ചായത്ത് പ്രസിഡന്റ് ജിമ്മിച്ചൻ ഈറ്റത്തോട്ട് നിർവഹിച്ചു.

ജില്ലാപഞ്ചായത്തംഗം  ജോസ്മോൻ മുണ്ടക്കൽ, പാമ്പാടി ബ്ലോക്ക് പഞ്ചായത്ത് വൈസ് പ്രസിഡന്റ് പ്രൊഫ എം. കെ. രാധാകൃഷ്ണൻ, എലിക്കുളം ഗ്രാമപഞ്ചായത്ത് വൈസ് പ്രസിഡന്റ് സൂര്യമോൾ, എലിക്കുളം ഗ്രാമപഞ്ചായത്ത് ആരോഗ്യ വിദ്യാഭ്യാസ സ്ഥിരം സമിതി അധ്യക്ഷൻ അഖിൽ അപ്പുക്കുട്ടൻ, ഗ്രാമപഞ്ചായത്തംഗം സിനി ജോയി, ജില്ലാ മെഡിക്കൽ ഓഫീസർ ഡോ. എൻ പ്രിയ, ഡെപ്യൂട്ടി ജില്ലാ മെഡിക്കൽ ഓഫീസർ ഡോ. ടി. കെ. ബിൻസി, സഞ്ചരിക്കുന്ന നേത്രവിഭാഗം മെഡിക്കൽ ഓഫീസർ ഡോ. അനു ആന്റണി, മാസ് മീഡിയ ഓഫീസർ സി. ജെ. ജെയിംസ്, ജില്ലാ ഒപ്താൽമിക് കോഓർഡിനേറ്റർ മിനിമോൾ പി. ഉലഹന്നാൻ, ആശുപത്രി വികസന സമിതി പ്രതിനിധി കെ.എം. ചാക്കോ കോക്കാട്ട്, പൈക സാമൂഹിക ആരോഗ്യ കേന്ദ്രം മെഡിക്കൽ ഓഫീസർ ഡോ. ജെയ്‌സി എം. കട്ടപ്പുറം  എന്നിവർ പങ്കെടുത്തു. മെഡിക്കൽ ക്യാമ്പിൽ മുന്നൂറോളം പേർ സ്‌ക്രീനിങ്ങിന് വിധേയരായി.