*സമ്പൂർണ്ണ ശുചിത്വ പ്രഖ്യാപനവുമായി തരിയോട് ഗ്രാമപഞ്ചായത്ത്*

മാലിന്യമുക്ത നവകേരളം ക്യാമ്പയിന്റെ ഭാഗമായി  തരിയോട് ഗ്രാമപഞ്ചായത്ത് സമ്പൂർണ്ണ ശുചിത്വ പഞ്ചായത്തായി പ്രഖ്യാപിച്ചു. ഗ്രാമപഞ്ചായത്ത് പ്രസിഡൻ്റ് ഷമീം പാറക്കണ്ടി ശുചിത്വ പ്രഖ്യാപനം നടത്തി. ഹരിത കർമ്മ സേനയുടെ നേതൃത്വത്തിൽ 100 ശതമാനം വാതിൽ പടി സേവനവും മുഴുവൻ വാർഡുകളുടെയും ഹരിത പ്രഖ്യാപനം  പൂർത്തിയാക്കിയാണ് പഞ്ചായത്ത് തല പ്രഖ്യാപനം നടത്തിയത്. ക്യാമ്പയിന്റെ ഭാഗമായി പൊതു ശുചീകരണം,  അയൽക്കൂട്ടങ്ങൾ, ടൗൺ, വിദ്യാലയങ്ങൾ, സ്ഥാപനങ്ങൾ, പൊതു ഇടങ്ങൾ, ടൂറിസം കേന്ദ്രം,  വായനശാലകൾ അടക്കമുള്ളവയുടെ ഹരിത പ്രഖ്യാപനവും പൂർത്തീകരിച്ചിട്ടുണ്ട്. ജനപ്രതിനിധികൾ, ഉദ്യോഗസ്ഥർ, കുടുംബശ്രീ, ഹരിത കർമ്മ സേന, സന്നദ്ധ -വ്യാപാരി സംഘടനകൾ, രാഷ്ട്രീയ പാർട്ടി പ്രതിനിധികൾ, ക്ലബ്ബുകൾ തുടങ്ങി എല്ലാ സംവിധാനങ്ങളുടെയും ഏകോപനത്തിലൂടെയാണ് സമ്പൂർണ്ണ ശുചിത്വപഞ്ചായത്തെന്ന ലക്ഷ്യത്തിലെത്തിയതെന്ന്  പ്രസിഡൻ്റ് അറിയിച്ചു. വൈസ് പ്രസിഡൻ്റ് പുഷ്പ മനോജ് അധ്യക്ഷയായ പരിപാടിയിൽ  സ്ഥിരം സമിതി അധ്യക്ഷന്മാരായ ഷീജ ആന്റണി, രാധ പുലിക്കോട്, വി.ജി ഷിബു, അംഗങ്ങളായ കെ.വി ഉണ്ണികൃഷ്ണൻ, ചന്ദ്രൻ മഠത്തുവയൽ, സൂന നവീൻ, ബീന റോബിൻസൺ, വിജയൻ തോട്ടുങ്കൽ, വത്സല നളിനാക്ഷൻ, സിബിൽ എഡ്വർഡ്, കെ.എൻ ഗോപിനാഥൻ, സെക്രട്ടറി എം ബി സുരേഷ്, അസിസ്റ്റന്റ് സെക്രട്ടറി കെ.ആർ സോമൻ, ഹെൽത്ത് ഇൻസ്പെക്ടർ ഷെറിൻ സഹല,  വി.ഇ.ഒ ശ്രീജിത്ത്, ഫ്രാൻസിസ്, രാജേഷ്, ഹരിത കർമ്മ സേന കൺസോർഷ്യം ഭാരവാഹികളായ ബീന ജോഷി, സുമാ രാജീവൻ, കുടുംബശ്രീ സിഡിഎസ് പ്രതിനിധികൾ, ജനപ്രതിനിധികൾ, ജീവനക്കാർ, ഹരിത കർമ്മ സേന അംഗങ്ങൾ  എന്നിവർ പങ്കെടുത്തു.