അണ്ടർ വാല്യുവേഷൻ ഒറ്റത്തവണ തീർപ്പാക്കൽ പദ്ധതി; ഡിസംബർ 31 വരെ നീട്ടി

 സബ് രജിസ്ട്രാർ ഓഫീസുകളിൽ അണ്ടർവാല്യുവേഷനായി റിപ്പോർട്ട് ചെയ്ത കേസുകളിൽ ഒറ്റത്തവണ തീർപ്പാക്കൽ പദ്ധതി  ഡിസംബർ 31 വരെ നീട്ടി. 2017 ഏപ്രിൽ ഒന്നു മുതൽ 2023 മാർച്ച് 31 വരെ  അണ്ടർവാല്യുവേഷനായി റിപ്പോർട്ട് ചെയ്ത കേസുകളിൽ കുറവ് സ്റ്റാമ്പ് ഡ്യൂട്ടിയുടെ 50 ശതമാനവും 1986 മുതൽ 2017 മാർച്ച് 31  വരെ രജിസ്റ്റർ ചെയ്ത ആധാരങ്ങളിൽ അണ്ടർവാല്യുവേഷനായി റിപ്പോർട്ട് ചെയ്ത കേസുകളിൽ കുറവ് സ്റ്റാമ്പ് ഡ്യൂട്ടിയുടെ പരാമാവധി 60 ശതമാനവും അടച്ച് തീർപ്പാക്കാം. 2017 മുതൽ 2023 വരെയുള്ള കേസുകളിൽ രജിസ്ട്രേഷൻ ഫീസ് പൂർണ്ണമായും ഒഴിവാക്കി. 1986 മുതൽ 2017 വരെയുള്ള കേസുകളിൽ രജിസ്ട്രേഷൻ ഫീസിന്റെ പരമാവധി 75 ശതമാനവും ഇളവുകൾ ലഭ്യമാണെന്ന് ജില്ലാ രജിസ്ട്രാർ അറിയിച്ചു.