എലൈറ്റ് വോളിബോള്‍ സ്‌കീം സെലക്ഷന്‍ ട്രയല്‍സ് ജൂണ്‍ നാലിന്

സ്റ്റേറ്റ് സ്‌പോര്‍ട്‌സ് കൗണ്‍സില്‍ നടപ്പിലാക്കുന്ന എലൈറ്റ് ട്രെയിനിംഗ് പദ്ധതിയിലേയ്ക്ക് വോളിബാള്‍ കായിക താരങ്ങളെ തെരഞ്ഞെടുക്കും.  പ്ലസ് വണ്‍ലേക്കാണ് തിരഞ്ഞെടുപ്പ്.  190 സെന്റീമിറ്ററിന് മുകളില്‍ പൊക്കമുള്ളവരും 2002 ജനുവരി ഒന്നിന് ശേഷം ജനിച്ചവരും നല്ല കായികക്ഷമതയുള്ളവരുമായ കായിക താരങ്ങള്‍ക്ക് പങ്കെടുക്കാം. 23 വയസാണ് പ്രായപരിധി.  വിദേശ പരിശീലകന്റെ സേവനം ഉള്‍പ്പടെ ഏറ്റവും ആധുനികമായ അന്തര്‍ദ്ദേശീയ നിലവാരത്തിലുള്ള കായിക സൗകര്യങ്ങളും, പരിശീലനവും, മറ്റ് ഉന്നത നിലവാരത്തിലുള്ള അനുബന്ധ സൗകര്യങ്ങളും കായിക താരങ്ങള്‍ക്ക് ലഭിക്കും.  2016-17, 2017-18 വര്‍ഷങ്ങളില്‍ വോളിബാള്‍ കായിക ഇനത്തില്‍ ദേശീയ മത്സരങ്ങളില്‍ പങ്കെടുത്തിട്ടുള്ള കായിക താരങ്ങള്‍ക്കാണ് ട്രയല്‍സില്‍ പങ്കെടുക്കാന്‍ അര്‍ഹത.  

ജൂണ്‍ നാലിന് രാവിലെ എട്ടിന് തൃശൂര്‍, തൃപ്രയാര്‍ റ്റി.എസ്.ജി.എ ഇന്‍ഡോര്‍ സ്റ്റേഡിയത്തിലാണ് തിരഞ്ഞെടുപ്പ്.  രണ്ട് പാസ്‌പോര്‍ട്ട് സൈസ് ഫോട്ടോയും ജനനതീയതി തെളിയിക്കുന്ന സര്‍ട്ടിഫിക്കറ്റും, സ്‌പോര്‍ട്‌സ് സര്‍ട്ടിഫിക്കറ്റും സഹിതം എത്തണം.   

പി.എന്‍.എക്‌സ്.2120/18