അസാപ് കേരളയിലൂടെ പ്രഫഷണൽ സ്കിൽ പരിശീലനം

പട്ടികവർഗ്ഗ വികസന വകുപ്പിന്റെ സഹകരണത്തോടെ അസാപ് കേരള ജനുവരിയിൽ ആരംഭിക്കുന്ന മെഷീൻ ഓപ്പറേറ്റർ അസിസ്റ്റൻറ് പ്ലാസ്റ്റിക്സ് പ്രോസസ്സിംഗ് കോഴ്‌സിലേക്ക് പ്രവേശനം ആരംഭിച്ചു. മൂന്ന് മാസത്തെ കോഴ്സിന് (480 മണിക്കൂർ) പ്രവേശനം സൗജന്യമാണ്. 10-ാം ക്ലാസ്/പ്ലസ് ടു/ഐ.റ്റി.ഐ/ഡിപ്ലോമ യോഗ്യതയുള്ള പട്ടിക വർഗ്ഗ വിഭാഗത്തിൽ പെടുന്നവർക്ക് അപേക്ഷിക്കാം. 

18 നും 35 നും മദ്ധ്യേ പ്രായമുള്ളവ രായിരിക്കണം. ഓഫ്‌ലൈൻ റെസിഡൻഷ്യൽ രീതിയിലാണ് കോഴ്‌സ്. 

അസാപ് കമ്മ്യൂണിറ്റി സ്കിൽ പാർക്ക് ലക്കിടി, കിൻഫ്ര ഐ ഐ ഡി പാർക്ക്, മംഗലം പി.ഒ, ഒറ്റപ്പാലം, പാലക്കാട്, കേരള - 679301 ആണ് പരിശീലന കേന്ദ്രം. താൽപര്യമുള്ളവർ https://csp.asapkerala.gov.in/courses/machine-operator-asst-plastics-processing  ലിങ്കിലൂടെ രജിസ്റ്റർ ചെയ്യണം. ഫോൺ - 9495999667