വിജ്ഞാന ആലപ്പുഴ തൊഴിൽ മേള; പ്രചരണ വാഹനം ഫ്ലാഗ് ഓഫ് ചെയ്തു

ജില്ലാ പഞ്ചായത്തിന്റെ വിജ്ഞാന ആലപ്പുഴ തൊഴിൽ മേളയുടെ പ്രചരണാർത്ഥം ആലപ്പുഴ നഗരസഭയുടെ നേതൃത്വത്തിൽ  ജോബ് ഫെയർ രജിസ്ട്രേഷൻ വാഹന
പര്യടനത്തിന് തുടക്കമായി. നഗരസഭ ടൗൺ ഹാളിൽ നിന്ന് എസ് ഡി കോളേജിലേക്കുള്ള വാഹനത്തിന്റ  ആദ്യ പര്യടനം നഗരസഭ ചെയർപേഴ്സൺ കെ.കെ. ജയമ്മ ഫ്ലാഗ്ഓഫ് ചെയ്തു. 

ജില്ലയിൽ മെഗാ തൊഴിൽ മേള നടക്കുന്ന ഫെബ്രുവരി ഒന്നുവരെ നഗരത്തിന്റെ വിവിധ ഭാഗങ്ങളിൽ ജോബ് ഫെയർ വിവരങ്ങൾ പ്രദർശിപ്പിച്ച വണ്ടി പര്യടനം നടത്തും. നഗരസഭയുടെ നേതൃത്വത്തിലുള്ള കമ്മ്യൂണിറ്റി അംബാസിഡർ , രജിസ്ട്രേഷൻ ടീം എന്നിവർ വാഹനത്തിൽ വിവിധ സ്ഥലങ്ങളിലെത്തി വിദ്യാർഥികൾക്ക് രജിസ്ട്രേഷൻ നടപടികൾക്കാവശ്യമായ സഹായങ്ങൾ നൽകും. എസ് ഡി കോളേജിൽ 120 കുട്ടികൾ ഇതിലൂടെ ജോബ് ഫെയറിൽ രജിസ്റ്റർ ചെയ്തു.