ബാലുശ്ശേരിയിൽ രണ്ട് റോഡുകൾ ഉദ്ഘാടനം ചെയ്തു

 ബാലുശ്ശേരി ഗ്രാമപഞ്ചായത്തിൽ രണ്ട് റോഡുകൾ ഉദ്ഘാടനം ചെയ്തു. മൂന്നാം വാർഡിലെ കുന്നത്ത് അംഗനവാടി- മുല്ലോളിത്തറ റോഡ്, പിലാച്ചേരി-പറമ്പത്ത് റോഡ് എന്നിവയാണ് ഗ്രാമപഞ്ചായത്ത് പ്രസിഡന്റ് രൂപലേഖ കൊമ്പിലാട് ഉദ്ഘാടനം ചെയ്തത്. 

ഗ്രാമപഞ്ചായത്ത് വികസന ഫണ്ട് ആറ് ലക്ഷം രൂപ വിനിയോഗിച്ചാണ് കുന്നത്ത് അംഗനവാടി- മുല്ലോളിത്തറ റോഡ് നവീകരണ പ്രവർത്തി നടത്തിയത്. 2,60000 രൂപ ചെലവഴിച്ചാണ് പിലാച്ചേരി-പറമ്പത്ത് റോഡിന്റെ നവീകരണം പൂർത്തിയാക്കിയത്. 

വാർഡ് മെമ്പർ വിജേഷ് ഇല്ലത്ത് അധ്യക്ഷത വഹിച്ചു. വാർഡ് വികസന സമിതി കൺവീനർ കെ യൂസഫ് സ്വാഗതം പറഞ്ഞ ചടങ്ങിൽ ബ്ലോക്ക് പഞ്ചായത്ത് മെമ്പർ ഡി ബി സബിത, രാഷ്ട്രീയ പാർട്ടിയെ പ്രതിനിധികൾ തുടങ്ങിയവർ പങ്കെടുത്തു.