കമ്മീഷൻ തെളിവെടുപ്പ്

മുന്നാക്ക വിഭാഗങ്ങളിലെ സാമ്പത്തികമായി പിന്നാക്കം നിൽക്കുന്ന വിഭാഗങ്ങൾക്കായുള്ള കേരള സംസ്ഥാന കമ്മീഷൻ മാർച്ച് 29ന് രാവിലെ 11ന് എറണാകുളം കാക്കനാടുള്ള കേരള ബാങ്കിന്റെ കോർപ്പറേറ്റ് ഓഫീസിൽ മുന്നാക്ക സമുദായ ലിസ്റ്റിൽ ഉൾപ്പെട്ടതും എന്നാൽ ജാതി/ മത സംവരണം ലഭിക്കുന്നതുമായ വിഭാഗങ്ങളെ (സി.എസ്.ഐ/ ഇവാഞ്ചലിക്കൽ ചർച്ച്/ പെന്തക്കോസ്ത്/ കമ്മല്ലാർ/ പരിവർത്തനം ചെയ്യപ്പെട്ട സിറിയൻ കാത്തലിക്ക്/ ബ്രദറിൻ സഭ/ യാഹോവ സാക്ഷികൾ/ സെവന്ത് ഡേ അഡ്വന്റിസ്റ്റ്) പ്രസ്തുത ലിസ്റ്റിൽനിന്നും ഒഴിവാക്കുന്നത് സംബന്ധിച്ച് തെളിവെടുപ്പ് യോഗം നടത്തും. ബന്ധപ്പെട്ട വ്യക്തികളും സംഘടനകളും പ്രസ്തുത യോഗത്തിൽ സംബന്ധിച്ച് തെളിവുകൾ ഹാജരാക്കണം. തെളിവുകൾ സമർപ്പിക്കാത്ത സംഘടനകളെ/ സമുദായങ്ങളെ 03.06.2021ലെ സർക്കാർ ഉത്തരവ് – GO(Ms) 114/2021/GAD നമ്പർ പട്ടികയിൽനിന്നും ഒഴിവാക്കാനുള്ള ശിപാർശ സർക്കാരിന് നൽകുമെന്ന് കമ്മീഷൻ മെമ്പർ സെക്രട്ടറി അറിയിച്ചു. കൂടുതൽ വിവരങ്ങൾക്ക്: 0471-2325573, 9074720012.

പി.എൻ.എക്സ് 1002/2025