വനിതാദിന സന്ദേശവുമായ് ഫ്ലാഷ് മോബ് സംഘടിപ്പിച്ചു

കണ്ടാണശ്ശേരി ഗ്രാമപഞ്ചായത്തും കുടുംബാരോഗ്യ കേന്ദ്രവും ഗുരുവായൂർ ശ്രീകൃഷ്ണ കോളേജ് എൻസിസി 23 കേരള ബറ്റാലിയൻ യൂണിറ്റും സംയുക്തമായി വനിതാ ദിന ബോധവത്ക്കരണ ഫ്ലാഷ് മോബ് സംഘടിപ്പിച്ചു. ഫ്ലാഷ് മോബിൻ്റെ അവതരണോദ്ഘാടനം പഞ്ചായത്ത് പ്രസിഡൻ്റ് മിനി ജയൻ നിർവഹിച്ചു.

ഇന്ന് പൊതുസമൂഹത്തിൽ സ്ത്രീകൾ അഭിമുഖീകരിക്കുന്ന ആക്രമണങ്ങൾക്കും വിവേചനങ്ങൾക്കും നേരെ പ്രതികരിക്കാൻ പൊതു സമൂഹം തയ്യാറാകണം എന്നതായിരുന്നു ഫ്ലാഷ് മോബിൻ്റെ സന്ദേശം.

ആരോഗ്യ വിദ്യാഭ്യാസ സ്ഥിരം സമിതി ചെയർപേഴ്സൺ നിവ്യ റെനീഷ് അധ്യക്ഷയായ ചടങ്ങിൽ ക്ഷേമകാര്യ സ്ഥിരം സമിതി ചെയർമാൻ എൻ.എ ബാലചന്ദ്രൻ, പഞ്ചായത്ത് അംഗങ്ങളായ പി.കെ അസീസ്, ടി.ഒ ജോയ്, രമ ബാബു, എ.എ കൃഷ്ണൻ, ഷീബ ചന്ദ്രൻ, കണ്ടാണശ്ശേരി കുടുംബാരോഗ്യ കേന്ദ്രം മെഡിക്കൽ ഓഫീസർ ഡോ. കെ.പി ചിന്ത, പബ്ലിക്ക് ഹെൽത്ത് നഴ്സ് കെ.എം ഷെമീന, ഹെൽത്ത് ഇൻസ്പെക്ടർ എൻ.എഫ് ജോസഫ്, ജൂനിയർ ഹെൽത്ത് ഇൻസ്പെക്ടർമാരായ സി.ബിഞ്ചു ജേക്കബ്, വി.എൽ ബിജു, ജൂനിയർ പബ്ലിക്ക് ഹെൽത്ത് നഴ്സ് നിത ശ്രീനി, വിനീത ഫ്രിനോജ്,  തുടങ്ങിയവർ സംസാരിച്ചു. ആരോഗ്യ പ്രവർത്തകർ, ആശ വർക്കർമാർ, എംഎൽഎസ്പി നഴ്സുമാർ തുടങ്ങിയവർ ഫ്ലാഷ് മോബിൽ പങ്കെടുത്തു.