നവീകരിച്ച മരുതോലിപ്പടി- ചെന്നലോട് റോഡ് ഉദ്ഘാടനം നിർവഹിച്ചു

നവീകരിച്ച മരുതോലിപ്പടി- ചെന്നലോട് റോഡ് ഉദ്ഘാടനം തരിയോട് ഗ്രാമപഞ്ചായത്ത്‌ പ്രസിഡന്റ് ഷമീം പാറക്കണ്ടി  നിർവഹിച്ചു. മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ ഉൾപ്പെടുത്തിയാണ്  കോൺക്രീറ്റ് പ്രവൃത്തി പൂർത്തീകരിച്ചത്. വികസന സമിതി അംഗം എ കെ മുബഷിർ പരിപാടിയിൽ  അധ്യക്ഷത വഹിച്ചു.

മേറ്റ് ഷൈനി കൂവക്കൽ, ഷാജി മരുതോലിക്കൽ, വികസന സമിതി അംഗങ്ങൾ, തൊഴിലുറപ്പ് തൊഴിലാളികൾ, പ്രദേശവാസികൾ എന്നിവർ പങ്കെടുത്തു.